DUIT DIABRUT ABRUT NGGO LUNGA RAPAT , PRESIDEN LAGI WERUH..?

DUIT DIABRUT ABRUT NGGO LUNGA RAPAT , PRESIDEN LAGI WERUH..?

Pacitan Post    Juni 28, 2023   

Jakarta 27.06.023. 

Limang tahun kepungkur enek odo odo , kabeh ASN nek rapat ora entuk ning Hotel , panganan kon sederhana lan ora entuk ning luar kota.

Sekilas, peraturan sing ditokne Presiden Jokowi limang tahun kepungkur, koyo koyo dipatuhi karo ASN sak Indonesia Raya.

Ananging dina iki, ujug ujug Presiden Joko Widodo  nesu geden marang Mentri Keuangan Sri Mulyani , gara gara ASN hoby abrut abrut duit rakyat, muk kanggo lunga lan rapat.

Saking isine , Menku Sri Mulyani buru buru gawe aturan anyar, terkait, anggaran kungker lan rapat ASN sing iki dina dinilai nglebar duit negara.

BEBEK KHAS PACITAN HANYA ADA DI TIRTO WENING MENTORO PACITAN.

Pertanyaane muk siji, Presiden Jokowi opo tenan , yen lagi weruh kebiasaan ASN lan Dewan  seneng abrut abrut duit muk nggo sekedar lunga  lan rapat..? Istilah keren'e Perjalanan Dinas.

Wallahu alam, terang warga , sing gumun kok iso lagi weruh ......pak Presiden ..pak Presiden ...kebiasaan niku pun dangu..pun mboten saget direm..pun kadung penak..lan enak...( Gustik)

DAG DIG DUG..VIASA DEWA JUARA OPO ORA...?

DAG DIG DUG..VIASA DEWA JUARA OPO ORA...?

Pacitan Post    Juni 28, 2023   

Pacitan Ppos.27.06.023.

Pemuda asal Nawangan Pacitan sing jenenge Viasa Dewa , wengi iki bakal gawe atine wong sak Pacitan deg..deg...ser.

Pasale' , Siswa SMAN 271 Pacitan iki mlebu Grand Final Kontes Ambyar Indonesia tahun 2023 sing dienekne MNC TV Group.

Miturut  Juru Bicara Keluarga Pandu Kemal , Viasa bakal tanding karo 2 saingan artis lyane , Fara ( jogjakarta) Mayangsari ( Banyuwangi) .

Pandu Kemal sing uga karib Bupati Pacitan Indrata Nur Bayu Aji , jaluk doa lan dukungan masyarakat Pacitan , ben Viasa Dewa iso dadi juara Kontes Ambyar Indonesia tahun 2023, harap Pandu.

Gelaran Final Kontes Ambyar 2023, kursi juri tetep bakal diisi, Iis Dahlia, Danang , Raffi Ahmad lan liyo liyane.

Sementara pemandu acara, tetep Nita Gunawan lan Riyan Ibram.

Informasi terakhir , Gelaran final Kontes Ambyar tahun 2023 bakal diisi sederet bintang tamu ,, Band Raja ,, lala Widy, mister limbat lan liyo liyane.

Diperkirakne meh kabeh wong Pacitan , mulai jam 21.00 wib warga wis ndanggluk ana ngarep TV , jare Nur Laela  aku wis nggodok telo pak, nggo suport Viasa..( gustik)

UDAN NEKAD SHALAT..CONTOH KEPATUHAN UMAT.

UDAN NEKAD SHALAT..CONTOH KEPATUHAN UMAT.

Pacitan Post    Juni 27, 2023   

Pacitan Ppos.28.06.023.

Warga Muhammadiah Pacitan esuk iki (28/06)  tumplek bleg ana alun alun Pacitan shalat Idhul Adha 1444 Hijriah.

Sejatine jagad udan , masiha ora terlalu deres, jamaah tetep mbludak , antusias neruske acara demi acara ana Hari Raya Idhul Adha.

Shalat masiha kondisi udan, miturut Kiai  , M.Nasir Abdullah  apik tur akeh ganjarane , sebab Allah bakal ndelok niate uwong , kesetiaane uwong lan kekhusuk ane umat.

Warga Muhammadiah Pacitan full shalat Idhul Adha ana alun alun Pacitan.

Kajibah Imam Shalat  M.Assadul Djuhdi Al Mubarok , sementara Khatib Prof DR M.Chizin .

Shalat id warga Muhammadiah Pacitan diwiwiti sekitar jam 06.20 wib.

Masiha Pacitan esuk iki diguyur udan deres ,jamaah blas ora susut, malah soyo suwe saya akeh lan tetep semangat.

Perlu dimangerteni , shalat Idhul Adha tahun 2023 antara Muhammadiah Indonesia jadwal pada Arab Saudi Rabu 23/06/2023 , sementara Nahdatul Ulama ijik sesuk ( Kamis 28/06).

Bupati Pacitan Indrata Nur Bayu Aji, pesen marang warga Pacitan, ojo terpecah mung merga jadwal shalat id beda tanggal., Tegas Bupati...( Gustik)

KEKEAN NGOMBE CIU POLITIK..?.BUTET DIHUJAT..

KEKEAN NGOMBE CIU POLITIK..?.BUTET DIHUJAT..

Pacitan Post    Juni 27, 2023   

Pacitan Ppos.27.06.023.

Ulang tahun Bung Karno ana GBK, seolah dadi panggung Butet Kartaredjasa , pasale pemberitaan terkait inti Ulang Tahun Bung Karno malah ora ter Ekspos, sing terekpost lan  viral malah clometane' Butet  sing ora mutu.

Mungkin kanggone , pendukung Ganjar Pranowo seneng, tapi kanggone pendukung Prabowo lan Anies mesti mbedegel.

 Bahkan Waketum Nasdem Effendy Choiri omong,yen Butet kakean ngombe Ciu Politik , clometane anak'e Alm Bagong Kusudiarjo iku blas ora mendidik, kui dudu seniman tapi mirip buzzer bayaran sing lagi mbutuhne duit , jare Gus Choi mangkel.

Saking mangkele, Sebagian Netizen enek sing omong,  yen Butet kudu ngatok marang PDIP merga kondisine lagi jatuh miskin ( mlarat) , Butet mbutuhne duit akeh, merga wis ora enek tanggapan manggung.

Mbuh ethok ethok melu pegel opo piye, petinggi PDIP justru ora setuju Monolog  Butet, ora elok Butet omong koyo mengkono ning acara Harlah Bung Karno, kudune monolog Butet ning acara Partai , dudu acara Harlah Bung Karno sing nekanke ukhuwah / persatuan , jare Jarot Saipul Hidayat.

Butet Kartaredjasa clometan Kontroversial.

Dasar Seniman  , Butet  iso diarani konyak yo kenek , diarani ora konyak yo kenek , bayangno , bareng okeh dikritik , Butet ora malah njaluk ngapura,tapi malah bangga seolah , karya monolog'e diapresiasi wong akeh.

Jare Butet ,  aku omong sesuai fakta lan kejujuran , aku ora nyindir capres , misale kesindir yo rapopo , ananging bareng ditakoni ngopo kok Ganjar ora disindir..?, butet muk tolah toleh , koyo manuk ketulup , he he jawab  Butet Santai.

Sementara Capres Prabowo Subianto omong , pak Butet wonge lucu aku seneng , ben ora usah dibales , tebarkan kebaikan, didik warga karo contoh sing apik, jare petinggi Gerindra  liyane santai.

Perlu dimangerteni , minggu kepungkur Keluarga Bung Karno mengeti Ulang Tahun Bung Karno ana Stadion Senayan ( GBK) Jakarta , sayang acara sing kudune nekanke ukuwah / persatuan dinodai monolog Butet.

Inti Monolog Butet , seolah nyindir Anies Baswedan  dibidik KPK merga Nyolong, tapi koar koar sedang dijegal, Monolog Butet ora mung kui , Prabowo Subianto pun disindir, ojo milih Capres tukang culik.

Tapi sing aneh lan ketok,  nek Butet sejatine pendukung Ganjar , Capres sing saiki munggah Haji bareng Anies iku blas ora disindir , malah omong yen rambute putih merga pekerja keras...

Oalah Tet Butet , omong karo ngomyang kok podo wae , bener Gus Choi mungkin  si Butet lagi kakean ngombe ciu...merga saiki wis mlarat raenek wong nanggap , jare sebagian Netizen sing mangkei karo monolog Butet...( Gustik)

.

GURU TUKANG KESETRUM ..PERLU DIPECAT...TUMAN..!

GURU TUKANG KESETRUM ..PERLU DIPECAT...TUMAN..!

Pacitan Post    Juni 27, 2023   

Pacitan Ppos.27.06.023.

Guru guru sekolah ana Pacitan ,, dinilai,,  okeh sing ora siap mental dadi pendidik, utamane bab pergaulan lawan jenis.

Buktine rata rata , komunitas guru sing cerai ,mesti dugaan perselingkuhan karo konco kerja alias pada pada pendidik.

Media nek gelem blak kotang, akeh guru sing dimediak'ne merga kasus perselingkuhan , ananging media ijik sitik eding , merga gawa marwah pendidik sing kudu dijaga.

Ilustrasi , guru kurang ajar selingkuh karo koncone dewe.

Kasus anyar , Guru SD Nawangan 2  EL lan RD dilaporke Dinas Pendidikan Pacitan merga selingkuh nganti meteng 6 sasi, padahal El lan RD pada pada ijik duwe bojo.

Guru loro sing morale bejat iku  , miturut Ahli Hukum Pidana Bambang Irianto , utamane sing wedok , pidanane berlapis , kejaba kenek  pasal perzinahan uga kenek pasal Poliandri .

Tapi sing cocok , pidana Perzinahan , merga antara EL. Lan RD muk kumpul Kebo lan urung tercatat pernikahan resmi,terang Bambang Irianto.

Informasi paling gres, status RD ternyata wis dipecat kawit 6 sasi kepungkur, semenjak isu perselingkuhan merebak, tegas Kadindik Pacitan Ir.Budiyanto.

Ir Budiyanto MM Kadindik Pacitan.

Sementara  Budiyanto uga omong, EL sing bersatus ASN, dipastikan uga  entuk sangsi BERAT ,sing resikone  kemungkinan  uga bakal dipecat .

Ananging sementara iki, ijik koordinasi karo tim Etik lan tim tim liyane sing dibentuk Pemkab Pacitan, tambah Budi.

Geografi Pacitan sing mayoritas Pegunungan , klebu salah sijining sebab antar guru  saling kesetrum.

Sekolahane wis ndelik ,  posisine  ning njero,  kaapit antara jurang karo alas , murid murid wis do mulih , gurune ora pati akeh , setan pathing njrabing ...ngojok ojoki tangan grayang grayang..munggah terus nganti teka gunung semeru lan liyo liyane...( Gustik)

PENJAGA KLENDRAN..? BOCAH KLELEP ANA KOLAM RENANG PUNUNG.

PENJAGA KLENDRAN..? BOCAH KLELEP ANA KOLAM RENANG PUNUNG.

Pacitan Post    Juni 25, 2023   

Punung 26.06.023.

Ati ati nek gawe kolam renang, nek ra siap,  sing renang iso iso mati konyol , koyo kecelakaan sing anyar ana kolam renang Punung.

Miturut berita sng beredar ana medsos ,  ana murid SD Piton I renang karo konco koncone , diduga bocah sing lagi lulus SD. Iku  n`er`eng 2  mlebu kolam sisih kidul sing jeru.

Akhire anak'e bu Astuty iku , glogap glagep ora enek sing nulungi , merga konco koncone pada wedi.

Informasine koncone panik, enek sing mlayu lan enek sing bingung lapor penjaga,sing diduga ora ngawasi cah renang.

Nganti berita iki ditulis, perkara bocah klelep ana kolam renang Punung isih ditangani polisi Polsek Punung.

Sik mas , aku urung iso komen nyusun laporan sik , engko yo jare pak kapolsek Punung Akp Susilo..( gustik)

ANIMO LUKIS BARENG SBY ANJLOK ...!

ANIMO LUKIS BARENG SBY ANJLOK ...!

Pacitan Post    Juni 25, 2023   

Pacitan.26.06.023.

Acara melukis bareng SBY , sesuk  wis ora usah di enekne maneh , sejene' animo wis anjlok adoh , uga ngentek entek biaya.

Ora mungkin sekolah , ora melu cawe cawe  , kejaba dijaluk'i isi acara,  uga kudu kirim siswa melukis, tentu sekolah yo ngetokne biaya konsumsi sing ora sethitik.

Didelok suasana acara melukis bareng SBY wingi ( 25/06) dari sisi jumlah adu..ooh ...dibanding tahun 2022 , arep omong ora enek 500 kaya ora patut.

Miturut Pardi ( pengunjung) acara wis ora koyo ndisik, ora rame ..sepi..mungkin acara bareng dina libur, siswa cegeh melu ,pilih mblayang,jare pardi gligak gligik.

Miturut salah sijining guru sing ora gelem disebut jenenge ,  uga  ngedumel, omong   panitia ora profesional, ngrubah acara sak geleme dewe, kudune apapun sesuai teknical meeting .

Untung aku protes , lagi gelem nampilke siswa sing arep moco puisi , umpomo aku ora protes,  mungkin siswaku nganti bar acara ora ditampilke , padahal omahe adoh saka Tulakan, ungkapnya.

Anjlok'e animo nglukis bareng SBY, entuk perhatian saka Anggota Dewan Ririn Subianti , Panitia kudu evaluasi kabeh acara sing bakal  nglibatne SBY , yen acara ora entuk sambutan warga kan mesakne pak SBY.

Apapun pak SBY iku mantan Presiden , nek acarane entuk ,,  rerasan warga Pacitan,,  kan ora penak dirungokne ning kuping , tulung suk maneh dicerna , dietung , ojo muk sak geleme dewe sing akhire, ngrugekne wong akeh, jare Ririn.

Sementara Ndaru sing kejibah dadi MC , ora wani umbal opo opo , kecuali muk nunjuk Pantia sing nganggo sarung, sayang Ppos urung iso nemoni,merga acara keburu bubar..( gustik)

KEBIASAAN TANDA TANGAN PALSU DPRD CONTOH ELEK SING RAPERLU DITIRU.

KEBIASAAN TANDA TANGAN PALSU DPRD CONTOH ELEK SING RAPERLU DITIRU.

Pacitan Post    Juni 19, 2023   

Ppos.19.06.02

Perseteruan panas antara Koni lan Fraksi Gabungan (FGGKP) soyo suwe saya panas lan  mrembet teka endi endi.

Klebu tanda tangan , Sekretaris Fraksi ( FGGKP) Agus Setiyanto ana Pandangan umum diragokne ke asliane.

Nek didelok saka transkrip sing beredar ana Media , seolah berkas pandangan Umum FGGKP  ora di ngerteni PPP , klebu saat pembahasan.

Sing dadi pertanyaan, umpama PPP ora dijak rembukan tenan , trus sing tanda tangan ana berkas Pandangan umum iku maeng sopo...?

Anggota PPP Samsuri pancen ngakoni ,  kadang soal tanda tangan iku kadang  wis titip konco , ananging wis enek pembicaran sakdurunge, ucap samsuri.

Samsuri wanti wanti, ojo salah aku ora makili pak Agus Setyanto sebagai Sekretaris  FGGKP , soal tanda tangan pak agus palsu opo ora ,aku ora weruh tekok'o langsung pak Agus , jawab Samsuri.

Sementara Agus Setyanto sekretaris Fraksi ( FGGKP) ditunggu media sak jam ono ruangan komisi , urung iso dijaluk'i keterangan, merga wis kadung mlebu ruangan sidang.

          Foto suasana Sidang DPRD Pacitan.

Umpomo bener, kebiasaan anggota Dewan titip absen,titip tanda tangan berkas penting lan sakpiturute , miturut fungsionaris  PCW ( Pacitan Couruption Watch ) kebiasaan sing ora perlu dicontoh.

Kabeh anggota Dewan kudu sadar, yen tanda tangan iku mengandung konsekwensi hukum , sebab kabeh produk sing digawe Dewan merupakan produk hukum,sing dienggo garis kebijakan eksekutif lan masyarakat.

Produk DPRD Pacitan iso Cacat Hukum,yen berkase berkas bodong.

Sementara Handaya Aji , sebagai Ketua Fraksi (FGGKP) ditakoni terkait tanda tangan Agus Setyanto sebagai Sekretaris FGGKP (khusus ana Sidang Pandangan Umum terkait Koni ) urung iso dihubungi...( Gustik)

BEN KAPOK :JAKSA NAKAL DIPERIKSA KEJAGUNG .

BEN KAPOK :JAKSA NAKAL DIPERIKSA KEJAGUNG .

Pacitan Post    Juni 19, 2023   

Ppos 19.06.023.

Kejaksaan Agung RI , akhire nurunke tim  menyang Kejaksan Negeri Madiun, diduga klarifikasi terkait ulah jaksa nakal Kejaksaan Negeri Madiun.

Kebetulan medune Tim saka Kejagung, bebarengan karo unjuk rasa /demo  PGI( Pentas Gugat Nusantara) sing nuntut jaksa nakal  sing diduga sering  ngenekne Pungli liar.

Miturut Agung Sungarpin, Inspektur V pada Jaks Agung Muda Bidang Pengawasan Kejaksaan, omong yen tekane tim Kajagung ana Madiun, yo kui neruske ,  pemeriksaan sakdurunge (16/05). 

Yen sak durunge sifate klarifikasi , merga enek indikasi oknum jaksa iku nglakoni pungli , iki dina ditingkatke ke arah Inspeksi kasus ,jelas Sungarpin.

Timsus Kejagung teka ning Kejari Madiun.

 

Sementara Heru Kun saka PGI omong, yen tekane PGI menyang Kejaksaan Negeri Madiun memenuhi panggilan tim Kejagung sing atas laporane'  dugaan Pungli liar oknum Jaksa nakal .

Heru uga omong,  yen maune sing diduga terlibat pungutan liar muk wong 3 saiki tambah wong loro , dadi kabeh jumlahe 5, tambah Heru.

Respon Tim Kejagung ternyata malah antusias , malah nyaranke menyang PGI kon gawe surat laporan susulan maneh,tegasnya 

Perlu dimangerteni, sing dimaksud pungutan liar sing nglibatne APH Kejaksan Negeri Madiun utamane bab cawe cawe urusan pengadaan Barang dan Jasa.

Soyo suwe , Kontraktor Madiun mothah ora trimo saben saben lelang , mesti ana tekanan APH , minimal melu campur tangan proses pengadaan Barang dan Jasa....

Mudune tim Kejagung menyang Mediun, miturut Pakar Hukum Pidana Dr  Wahyu Priyo Djatmiko.SH.MHum.MSc  dadi angin segar , penegakan disiplin Aparat Hukum sing ,sementara iki,  akeh sing nglakoni tindakan tercela , utamane tukang ngenekne  pungutan liar , tegas Wahyu..( setyawan)

KEPALA DAERAH ISA DIPIDANA YEN KLIRU PENUNJUKAN DIRUT RUMAH SAKIT, YEN HASILNYA RUGIKAN PASIEN.

KEPALA DAERAH ISA DIPIDANA YEN KLIRU PENUNJUKAN DIRUT RUMAH SAKIT, YEN HASILNYA RUGIKAN PASIEN.

Pacitan Post    Juni 18, 2023   

Nganjuk Ppos , 18.06.023.

Menurut Direktur Eksekutif Lembaga Kajian Hukum dan Perburuan Indonesia DR .Wahyu Priyo Djatmiko.SH.M.Hum MSc, Bupati .Walikota ,Gubernur utawa Pejabat sapa wae , sing ngangkat pimpinan Rumah Sakit ora sesuai aturan,  klebu  Pejabat sing ora patuh  marang regulasi Pemerintah , Kui isa digugat, tegas Wahyu.

DR.Wahyu Priyo Djatmiko Pakar Hukum Pidana 

Opo meneh ,  Kebijakan Direktur/ Wakil Direktur nyata nyata ngrugekne Masyarakat / pasien , kejaba ancaman Pidana uga isa dipecat saka ASN.

Perlu dimangerteni , Bupati , Walikota utawa Gubernur , acap kali ngangkat bawahan sak senenge dewe lan sak karepe dewe , tanpa  mempertimbangkan kompetensi lan disiplin ilmu pejabat sing diangkat.

Opo meneh,  yen pengangkatan rada mambu mambu bayar, dipastikan oknum sing diangkat  bakal semena mena menyang bawahan liyane.

Mulo DR Wahyu Priyo Djatmiko, menehi saran menyang  Pimpinan Daerah Kabupaten / Kota  , patuh marang regulasi pengangkatan pegawai , utamane sing kerja ana lingkungan Kesehatan, tambah  Wahyu ...( Dani/Tik)

HURA HURA KONI , BERUJUNG KE RANAH HUKUM , KETUA FRAKSI GABUNGAN KESERET...?

HURA HURA KONI , BERUJUNG KE RANAH HUKUM , KETUA FRAKSI GABUNGAN KESERET...?

Pacitan Post    Juni 17, 2023   

Pacitan Ppos.18.06.023.

Polemik tudingan Fraksi Gabungan DPRD Pacitan , terkait anggaran Koni Pacitan tahun 2022 , suwe suwe soyo  ora pati genah.

Rakyat  seolah , disuguhke godril godril Politik sing ora mutu , lan ora mendidik.

Fraksi Gabungan DPRD Pacitan  rong dina kepungkur, realise  anane carut marut pengelolaan  anggaran Koni Pacitan sing diketuani Dyah Mentari Putri.

Sayang ! Dina iki ( 17/06 )  PPP sing uga klebu Anggota Fraksi Gabungan , diduga omong , yen penyusunan Pandangan Umum terkait Koni PPP babar blas  ora dilibatne.

Ternyata PPP bermain dagelan, dagelan sing dianggep ora mutu lan cenderung melecehkan marwah DPRD Pacitan.

Menurut Ririn Subianti , PU ditanda tangani Ketua lan Sekretaris Agus Setyanto sing nota bene ketua PPP . Trus konsekwensinya tanda tangan nopo, kok saget mbalik,  cuma memang bahasa sing wonten media , cen niku kebiasaan pak Ketua Fraksi , tegas Ririn diplomatis.

Sementara  banyak pengamat menilai, sakjane terkait koni ora seheboh iku, itu cuma pengelolaan koni sing kurang rapi, dikemas  heboh Ketua Fraksi Gabungan, sing biasa menggebu gebu.

Barang setitik digawe rame , digawe seolah hal sing luar biasa, tujuane muk ben dadi heboh, ben dadi perhatian masyarakat.

 info  valid sing ditampa media , hura hura koni sing  pemberitaan dianggep muk ngisin isinke Koni, rencana bakal mlebu ranah hukum, sing konon  bakal di ajukan ketua Koni pacitan.( Gustik)

MENYOAL KEBIASAAN PENGANGKATAN PIMPINAN RUMAH SAKIT .

MENYOAL KEBIASAAN PENGANGKATAN PIMPINAN RUMAH SAKIT .

Pacitan Post    Juni 17, 2023   

Nganjuk Pacitan Post.17.06.023.

Pemindahan Kepala Dinas ana  Daerah tingkat II , jaman saiki kaya kaya wis biasa , bahkan rotasi / pemindahan pejabat kadang kontroversial.

Enek sing sesuai bidang , tapi uga enek sing ora sesuai disiplin ilmu pejabat sing dipindah, akhire terjadi polemik lan nglahirke ketidak harmonisan lingkungan kerja.

Mungkin nek dinas iku sifat pekerjaane ijik iso dihandel sing ora nganggo pengetahuan khusus , mungkin ora pati masalah,  ananging nek Dinas iku perlu disiplin ilmu uga khusus/ spesifik tentu bakal menghambat operasional Dinas utawa lembaga sing dipimpin.

Contoh pengangkatan pimpinan Rumah Sakit Pemerintah , mbuh kui Direktur , n wakil direktur utawa bidang liyo, yen ora basic'e ilmu kesehatan mesti menghambat perkembangan rumah sakit .

Foto : penanganan Pasien di Rumah Sakit.

Miturut DR.Wahyu Priyo Djatmiko pakar Hukum Pidana , omong yen pengangkatan

Direktur / wakil Direktur kudu berlatar belakang dokter spesialis utawa Pendidikan Strata 2 bidang kesehatan, lepas saka kui jelas salah, tegas DR Wahyu.

Merujuk  pasal 11 ayat 1 Permenkes No 971/Menkes/PER/XI/2009 tentang Standart kompetensi Pejabat Struktural Kesehatan, seorang Wakil Direktur kudu berlatar belakang Dokter Spesialis utawa S2 bidang ilmu Kesehatan liyane, tambah Wahyu Djatmiko.

Nek ora,dikawatirke seorang wakil Direktur njupuk kebijakan ana Rumah Sakit ora sesuai regulasi kesehatan , ora sesuai aspek aspek klinis pelayanan medis.

Kebiasaan Bupati utawa Baperjakat , ngangkat pimpinan Rumah Sakit sing dudu bidange ,bakal ngrugekne masyarakat / pasien,  merga  Pimpinan Rumah Sakit kadang gawe keputusan /kebijakan sing menyimpang,  ora sesuai performa layanan medis sing duwe aturan khusus, akibate pelayanan optimal pasien terganggu..( bersambung)

KH HAMID DIMYATHI DI DONGAKNE PARA ALIM NING MEKAH.....WARGA PACITAN PADA PINGIN NING MAKAM SOLO.

KH HAMID DIMYATHI DI DONGAKNE PARA ALIM NING MEKAH.....WARGA PACITAN PADA PINGIN NING MAKAM SOLO.

Pacitan Post    Juni 16, 2023   

Pacitan Ppos.16.06.023.

Antusias tokoh Pacitan , mendukung KH Hamid Dimyathi , dicalonke  dadi Pahlawan Nasional saya akeh.

Bahkan iki dina , alm.KH Hamid Dimyati didongakne para alim lan Jemaah Haji sing lagi nglakoni ibadah Haji ana tanah suci Mekah.

Dipimpin Mumammad Haris ( Wakil Walikota Salatiga) sing antusias banget ngenekne dongo marang Kyai karismatik Alm KH Hamid Dimyati sing lagi diupayakne dadi Pahlawan Nasional.

Miturut Haris , doa dipanjatne para jamaah ora muk masalah diajokne dadi pahlawan Nasional, tapi doa dipanjatne merga alm KH Hamid Dimyati sosok penuntun umat  kharismatik , sabar lan penuh perjuangan , jelas Haris saka Mekah.

KH.Muhammad Haris Wakil Walikota Salatiga melu dedongo alm KH.Hamid Dimyati langsung saka Mekah Al Mukaromah.

Pemberitaan Sejarah KH Hamid Dimyati dipateni PKI mendorong simpati warga Pacitan ,pingin pada ziarah ana makam TMP solo.

Umpama ora enek pemberitaan KH Hamid Dimyati  Tremas sejatine dadi korban keganasan PKI , mungkin okeh wong Pacitan ora weruh.

Saiki bareng diberitakne ulang Media Pacitan Post Group , kabeh pada weruh,  lan dampak'e , saiki akeh warga Pacitan sing arep ziarah ana makam KH Hamid Dimyati ana pasarehan TMP Kusuma Bhakti Solo.

Kaya sing direncanakne ,  salah satu Alumni SMA 271 Pacitan , sekitar  wong 60 arep ziarah ana TMP Surakarta.

Menurut Panitia  Bambang Suwarno, rencana sekitar sasi September , alumni SMA 271/79 , arep piknik ana daerah Solo , shalat jamaah masjid Sayeed,  sekaligus mampir ziarah kubur , marang KH Hamid Dimyati , sing kebetulan Gus Mamuk uga klebu alumni SMA 271/79.

Ora mung Alumni SMA, sebagian tokoh lan warga Pacitan , bareng moco berita yen sejatine. KH Hamid Dimyati dadi korban kekejaman PKI,  akeh sing podo arep nyekar ana makam Kyai Kharismatik Pondok Pesantren Tremas Pacitan sing mimpin  sekitar tahun 1934-1948...( Bersambung)

M.Haris Wakil Walikota Salatiga asli Desa Banjarejo Kebonagung Pacitan melu dedongo muga muga KH Hamid Dimyathi dadi kaleksanan Entuk Gelar Pahlawan Nasional

TANGGUH : WARTAWAN GELEM DODOLAN KOPI , SEGA KUCING lan MAKELARAN..

TANGGUH : WARTAWAN GELEM DODOLAN KOPI , SEGA KUCING lan MAKELARAN..

Pacitan Post    Juni 15, 2023   

Pacitan ppos .16.06.023.

Djaman ndisik, mungkin dadi wartawan ijik kajen lan renes , koyo koyo dadi wong teehormat.

Ananging saiki, seiring perkembangan jaman sing serba digital , koyo koyo wartawan kudu bersaing karo komunitas liyan,  koyo group group WA.Facebook,instagram lan sakpiturute.

Akibat saka kui, produksi tulisan wartawan akeh sing kesingkur , ora diwaca bablas angine , paling muk diwoco judule , judule menarik lagi diwaca.

Rojihan Wartawan Times nyambi dodolan Hix.

Ora pingin mati konyol , Wartawan wis mulai golek pangan liyo masiha muk nggo sampingan.

Enek sing gelem dodol sega , ngedekne angkringan , makelaran lemah lan golek pangan liyo sing penting halal.

Muturut Rojihan, sing saiki ngedekne angkringan ,,BANGGA PACITAN,, omong yen ngedegne angkringan muk sekedar nggo nonggkrong konco konco media.

Minimal konco konco media sing duite tipis , ora wedi  arep ngopi lan mangan sega sak puluk'an , yo maklum uripe wartawan ora pada kaya uripe ASN lan liyo liyane,jare Rojihan memelas.

   Wartawan Times Rojihan lagi nggodok banyu.

Ora mung Rojihan , wartawan sing nyambi didolan,  Budi Elsi pun kanggo nyambung urip uga gelem  dodolan, yo muk bedane Budi dodolan barang ombo alias dodolan/makelaran lemah. 

Budi omong, wartawan saiki  uripe ora sesuai karo perjuangane , udan nggejibrah panas ngentang muk arep menehi warta kang anyar, mulo nek ra nyambi golek pangan liyo, klakon pawon goling, jare budi ambi gligak gligik...( Gustik)

BACALEG CINGKLAK CINGKLAK , AKHIRE MK PUTUS TERBUKA..

BACALEG CINGKLAK CINGKLAK , AKHIRE MK PUTUS TERBUKA..

Pacitan Post    Juni 15, 2023   

Nasional 15.06.023.

Raut wajah sumringah , merga dina iki (15/06) Mahkamah Konstitusi ( MK) mutuske Pemilu 2024 tetep nganggo syistem proprorsional terbuka.

Artine..'  Penentuan dadi lan orane sebagai anggota Dewan dihitung saka perolehan suara caleg alias ora nomor urut.

Prawoto sing ndanggluk ana warung maun, golek kabar putusan MK rumangsa seneng atine, merga krungu kabar yen pemilu 2024 tetep nganggo proporsional terbuka .

Prawoto Bacaleg Nasdem no urut 7 Dapil Nawangan Bandar.

Saking senenge Mantan Pengurus Perindo iku, langsung cingklak cingklak , lan nukokne rokok sak enek'e wong sing ning warung maun , seneng atiku..seneng gaes..jare prawoto bungah.

Ora kur Prawoto, Rudi Hartoyo pun uga melu seneng ,minimal  masiha aku entuk nomor siji , tapi ngisorku kan yo  melu kerjo, jare Rudi sing saiki ijik madeg Dewan.

Rudi Hartoyo , sing populer disebut Rudi O , Pemilu 2024 tetep budal saka dapil I Pacitan Pringkuku ,saka Partai Hanura sing gedekne jenenge'.

Rudi Hartoyo Bacaleg No I  Dapil Pacitan-Pringkuku saka Partai Hanura.

Perlu dimangerteni, dina iki ( 15/6) Mahkamah Konstitusi ( MK) menolak gugatan  saka sebagian kader PDIP sing njaluk syistem Pemilu proporsional tertutup.

Awale desas desus sing beredar, Lembaga sing diketuai Adik ipar Presiden Joko Widodo bakal mutus Syistem tertutup,merga isune 6 Hakim menyetujui syistem Tertutup.

Mbuh merga ditolosi Deny indrayana lan wedi didemo masyarakat, Faktane MK  mutus Pemilu 2024 tetep nganggo syistem Terbuka..

Menurut keterangan Pers, Anwar Usman omong yen putusan  ora merga desakan sopo sopo, tapi ngrungokne pertimbangan berbagai pihak, DPR.KPU.Presiden.para Ahli lan sakpiturute,jelas Usman.

Pihak PDIP anane putusan MK , urung enek statmen , Demas Brian Wicaksono ( PDIP Banyuwangi dkk sebagai pemohon Yudicial Reviw pasal 168 ayat 2 UU Pemilu tahun 2017...( Gustik)

Nek Ora Apik opo Nganti 20 Tahun dadi Dewan...!

Nek Ora Apik opo Nganti 20 Tahun dadi Dewan...!

Pacitan Post    Juni 15, 2023   

Pacitan Post 15.06.023.

Ciri ciri tokoh anggota Dewan, diarani apik solah bawane , iso dititeni saka masa jabatane , minimal 3 periode.

Mungkin nek jaman Orde Baru , ora isa nggo patokan, tapi nek syistem proporsional terbuka ( dipilih langsung ) tokoh isa diarani disenengi rakyat merga sikap & kinerjane.

Khusus anggota DPRD Pacitan  isa dietung , wakil Ketua DPRD Setyo Ekoranu ( PDIP) Syech Pujo ( PD) Samsuri ( PPP) Ronny Wahyono ( PD) Prabowo ( PG) Suprihatini Winarcahyani ( PD) lan sak piturute.

Drs.Eko Setyoranu Anggota DPRD Pacitan  20 tahun.

Miturut salah sijining anggota DPRD Pacitan , sing wis Njabat 20 tahun Drs.Eko Setyoranu , kuncine muk siji kerja sesuai hati nurani , ora entuk ngentengke kompetitor liyo, enom tuwek dianggep sepadan, tegas Eko.

Eko nambahake ,  dadi anggota Parlemen daerah , kudu selalu menyuarakan kepentingan rakyat, ora entuk sombong lan kudu gelem ngajeni pendapat liyan.

Bebek khas Pacitan hanya ada di Tirto Wening  Mentoro Pacitan.

Dadi Wakil Rakyat iku, ora mesti vokal , ora mesti kudu beda , ananging seimbang , yen apik diwarah apik , yen elek diwarah elek.

Kaya masalah polemik  mlebu obyek Wisata Pancer Door Pacitan gratis  ,  gandeng  iku program apik , yo kita dukung lewat paripurna DPRD , terlepas sopo Bupatine.

Insya Allah nek soal Rencana mlebu Pancer Door Gratis , justru bakal ngremboko pendapatan daerah, merga  UMKM tumbuh pesat, jasa parkir meningkat , jasa wisata mainan meningkat, lan sing penting hak rakyat menikmati ruang publik terpenuhi, jelas Eko sing iki dina melu nyaleg  meneh periode 5 tahun.

Sementara , Syech Pujo sependapat karo pak Eko , nyaleg Dewan iku ojo sok ngentengke kompetitor liyan, ojo sok elek elek lawan lan ojo sok gemede , tampilkan program apa adanya lan ojo sok janji janji, tegas Pujo sing wis dadi Dewan 20 tahun suwene....( Gustik)

Syech Pujo Setyohadi Dewan Kawak dapil 2 .