GERINDRA LEPAS TANGAN SOAL BAMBANG....?

GERINDRA LEPAS TANGAN SOAL BAMBANG....?

Pacitan Post    September 06, 2022   

Bupati Pacitan ditengah para pendemo HMI.

PACITAN POST, 07.09.022.

Karepe Bambang Margana mungkin bener, sekalipun kenaikan harga BBM diprotes wong sak jagad aboh , Pemerintah Pusat tetep kekeh ngunggahke rega BBM .

Ananging gandeng ale nyampekne kader gerindra iku ning ngarepe massa Demo , pernyataan kader Gerindra iku dinilai kurang pas lan dikritik akeh wong.

Bahkan anggota Komisi 1 DPRD Pacitan iku , dituntut njaluk ngapura karo pendemo sing mayoritas saka HMI.

Menyang Media , Bambang ngaku  ora masalah  yen dikongkon njaluk ngapuro karo pendemo , aku ora bermaksud nglecehne cah Demo, tapi iku pendapat pribadiku terkait makin marahnya pendemo akhir akhir iki, jare tokoh Kecamatan Punung Pacitan.

Sementara Ronny Wahyono Ketua DPRD Pacitan omong ,  mekanisme penyampaian pendapat ana ruang publik, hak Pribadi  anggota Dewan , lembaga ora cawe cawe , jare Ronny Via telpon.

Perlu dimangerteni , Sekelompok Mahasiswa Pacitan utamane , PMII lan HMI melu partisipasi protes kenaikan harga BBM secara Nasional.

Sayang pas HMI Demo ning gedung Dewan Pacitan , Bambang Margana kepleset omong , sing dinilai melecehkan cah cah demo, jare Bambang masiho didemo sopo wae ora bakal enek pengaruhe....bbm tetep munggah...( Gustik)

JANJI DEMO MUK RONG LER , PADAHAL EWON ....BLAS RAPEKA...

JANJI DEMO MUK RONG LER , PADAHAL EWON ....BLAS RAPEKA...

Pacitan Post    September 05, 2022   

Masiha muk sithik ..salut, timbang liyane ora peka blass.....!

Pacitan Ppos , 05.09.022.

Mahasiswa Pacitan, saben saben demo sepi peminat,  padahal asline jumlah mahasiswa Pacitan klebu akeh.

Mahasiawa STIKIP wae enek sekitar 1000 mahasiswa , urung STINU , ISMU , AKN dll sing diperkirakne luwih saka wong 2000.

Ananging sing disayangke , meh kabeh Mahasiswa ana Pacitan ora peka  ( up date ) bab babagan  kondisi kemasyarakatan .

Sak bubare Mahasiswa ditinggal Roni Aspar lan Imam Bajuri , greget mahasiswa Pacitan , iso diarani mlempem saka sikap mengkritisi Pemerintah sing dadi ciri khase Mahasiswa Indonesia.

Koyo demo menentang kenaikan BBM maeng esuk ning Pendopo Pemkab Pacitan , jumlahe ora luwih saka wong 30, padahal jumlah mahasiswa Pacitan ewon.

Mulo kabeh sing ndelok demo maeng awan, rumangsa salut karo mahasiswa Pacitan khususe PMII sing melu prihatin menentang kebijakan pemerintah sing semena mena ngunggahke rega BBM.

Masiha  Ibarate muk telung ler sing melu demo, tapi PMII cukup mewakili   masyarakat  Pacitan sing iki dina resah gelisah  merga reregan mundak kabeh , efek saka kenaikan harga BBM sing diumumke Presiden.

Mahasiswa PMII demo ditompo Bupati Pacitan Indrata NBA .

Ketua KNPI Pacitan Bagus Surya Pratikna ngomong ! ,  ora maido nek mahasiswa Pacitan akeh sing ora gelem melu demo, merga rat rata sing dadi mahasiswa ning pacitan statuse okeh sing nyambi kerja.

Kejaba saka kui , Wong seneng Demo iku biasane seneng organisasi , nek raseneng organisasi biasane cuek  , jare tokoh asal Nawangan sing uga anggota DPRD Pacitan.

Sebagai Ketua KNPI Pacitan , karib Bupati Pacitan Indrata NBA  tetep mengapresiasi Demo PMII terkait Kenaikan BBM maeng esuk , demo ora mesti wong akeh, sing penting pesan pesan sing disampekne tersalurkan, jare Bagus.

Bagus Surya Pratikna,ketua KNPI Pacitan.

Terkait Bupati ora gelem tanda tangan surat pernyataan sing disodorke Pendemo, Tokoh Pacitan Couruption Watch Novaria omong, Bupati posisine Delematis...umpama menolak nganggo surat resmi sing disodorke pendemo...opo ora blaen......? dimata pemerintah pusat ...iso iso....!  ( Gustik)

AREP SUROAN AGUNG MALAH TABRAKAN.!

AREP SUROAN AGUNG MALAH TABRAKAN.!

Pacitan Post    September 04, 2022   

Koban tabrakan  Arak Arakan Suroan Agung .

Pacitan Ppos, 05.09.022.

Sepuluh dina iki , peristiwa Tabrakan lalu lintas ana  wilayah hukum Pacitan wis  gawa korban wong 5

Sing telu mati , sing loro luka parah.

Wingi minggu ( 04/09 ) ana sekitar Watu Bale  Jetak Tulakan  yo kedadean  laka maneh , bocah arak arakan group beladiri / pencak Silat  saka Sudimoro tabrakan karo mobil Avanza nopol ( AE 1904 XB ) sing disopiri Sajuri ( 61)  melaju saka arah kulon / Pacitan.

Miturut saksi mata warga sekitar, arak arakan group  Asal Sudimoro mlaku ngebak'i dalan , dlalah pas lewat Perbatasan Antara Kecamatan Ngadirojo lan Tulakan ( JLS,) ,Mobil Avanza sing melaju saka kulon ditabrak karo Motor jenis Kawasaki sing ditumpak' wahyu Setiawan( 20)  .korban asal Trenggalek  iku infone  luka parah..

Polisi Polres Pacitan, mbenerake yen kasus trabakan ana sekitar watu bale nglibatke Oknum group bela diri pencak silat sing arep melu upacara suroan Agung sing dipusatke ana lapangan Desa Sumberharjo Pacitan.

Sementara upacara tasyakuran agung sing nglibatne anggota lan ditekani sekitar 700 anggota group beladiri sukses lan lancar ,ora enek keributan sing berarti , jare cak Man salah sijining pengurus /panitia.

bebek gustik , nikmat dan gurih

WIS DIKLAWE KLAWE KON ALON ..MALAH BANTER.. NABRAK CAH SD TORO...,

WIS DIKLAWE KLAWE KON ALON ..MALAH BANTER.. NABRAK CAH SD TORO...,

Pacitan Post    September 02, 2022   

Pacitan, 03.09.022.

Angel angel kandanane , perilaku wong numpak sepedah montor pancen angel , penging banter banter  numpak sepeda motor malah pada nylili.

Padahal wis pada ngerti kabeh , ana wilayah Pacitan sering kecelakaan lalu lintas   ,  malah seminggu kepungkur wis wong loro (2)  mati  thek sek .

Isuk iki maeng ( 03/09) sekitar jam 06.30 bocah SD Mentoro ditabrak wong numpak sepeda motor.

Miturut Saksi  ( N) Satpam penyeberangan SD Mentoro wis klawe klawe ana garis sebra penyeberangan, ananging pengendara motor ( G) asal desa Purworejo malah banter, akhire nabrak Murid SD ( Sana )  sing pas arep nyebrang.

Korban Sana  (10 ) putra Boyadi dusun Kedawung Desa  Mentoro langsung digawa nang Rumah Sakit menyang Warga Sekitat , infone korban  sirahe benjut ,ngetokne getih akeh , nganti berita iki ditulis urung ngerti tetep dirawat ning Pacitan utawa dirujuk ning luar kota.

Sementara Polres Pacitan , iki jam isih nangani kecelakaan bocah SD sing arep nyebrang , kemungkinan Okum (G ) dadi tersangka akeh , merga dianggep ugal ugalan.

Saking akehe kecelakaan Lalu Lintas ana wilayah hukum Pacitan , Ketua DPRD Pacitan Ronny Wahyono menghimbau , kabeh pengguna Lalu Lintas Pacitan pada ngati ati , utamane menghormati wong mlaku sikil , utawa wong numpak Sepeda onthel....( Gustik)

PEGAWAI TEWAS TABRAK BOKONG BUS NGETEM

PEGAWAI TEWAS TABRAK BOKONG BUS NGETEM

Pacitan Post    September 01, 2022   

Pacitan Ppos.01.09.022.

Wis wong piro wae wong mati  kecelakaan lalu lintas ana Pacitan .Iki dina yo enek meneh sing kecelakaan  mati .

Korbane jenenge Anggi Pratama  ( 28) saka dusun Jati  RT 01/01 Desa Purworejo Kecamatan / Kabupaten Pacitan.

Miturut keterangan  Polres Pacitan AKP Siswoyo menyang Media omong , benerake dina iki ( kamis 01/09)  enek laka lantas ana kelurahan Ploso Pacitan.

Diduga korban sekitar jam 04.00 wib numpak piet montor saka arah terminal Bus , mbuh piye critane ! ujug ujug sepedah montor korban ..mak bruuuk..nabrak bokong Bis Aneka Jaya sing wektu kui lagi ngetem ana sak kidule terminal bis  / persis etan omahe Bupati Pacitan Indrata NBA.

Korban sing kerja ana perusahaan Swasta iku luka parah lan  digawa nang Rumah Sakit warga sekitar.  , Ananging  ora suwe enek info  korban Anggi Dato Pratama meninggal.

Polisi Polres Pacitan reka kecelakaan ana lor prapatan Alijah.

Miturut warga Ploso Pacitan sing cedak TKP,  pancen wis biasa Bis bis sing arep budal nyang Solo ngetem/ mandeg ana samping etan kediaman SBY lawas Kelurahan Ploso , akibate nek ra ngati ati iso kecelakaan koyo isuk kimeng.

Sepeda motor merk Honda Vario 125 Nopol AE 3834 YZ rusak parah , sementara sopir bis Aneka Jaya  Subandi ( 55) asal dusun Pager Arjowinangun digawa nang kantor Polisi Polres Pacitan, diproses sesuai hukum sing enek.

Klebu Bus Aneka Jaya Nopol AE 7246 UX dikandangke sementara ana Polres Pacitan...

MULIH SEKOLAH ! FAREL DIJEMPUT JET PRIBADI.....

MULIH SEKOLAH ! FAREL DIJEMPUT JET PRIBADI.....

Pacitan Post    Agustus 30, 2022   

Pacitan Ppos 29.08.022.

Nasib menungsa sing atur sing Kuasa, ora ngira babar blas mantan pengamen Cilik Farel Prayoga iki dina seolah koyo urip ning awang awang.

Lagi wae mulih  sekolah , ibarat urung nyelehke bokong , Farel wis ditunggu Pilot lan Panitia ana Bandara Banyuwangi.

Farel dijemput Jet Pribadi merga bengi iki wis kadung kontrak konser ana Kalimantan Selatan.

Ferel Prayoga habis konser pulang naik jet pribadi langsung sekolah

Farel Prayoga murid klas VI SD Kepundungan Banyuwangi sing lagi rong dina sekolah terpaksa nurut pihak label merga wis kadung kontrak, informasine sekali manggung tarif Farel wis 150 juta.

Dasar jik bocah cilik , urung mudeng nek wis dadi Artis terkenal , arep budal numpak pesawat madak dolanan ning jero Bandara.

Bocah sing gegerke jagad merga tampil ning Istana Negara, ketok numpak koper muter muter ning ruang tunggu Bandara Blimbingsari Banyuwangi.

Farel ketok ora ngawaki masiho dadi perhatian wong sak Bandara. Nganggo kaos  santai abu abu ,Farel dada dada ana pintu Jet Pribadi  bak Artis terkenal,  bar kui bung...Farel langsung mabur.....( Gustik)

Bebek Gustik pancen enak tenan.....

BLANJA ONLINE: TUKU SEPATU ISINE RESAK...ati ati akeh sing keblelon.

BLANJA ONLINE: TUKU SEPATU ISINE RESAK...ati ati akeh sing keblelon.

Pacitan Post    Agustus 28, 2022   

Pacitan Ppos, 28.08.022.

Jaman saiki nek arep blanja ati ati tenan,utamane blanja lewat jalur online, masalahe wis akeh sing keblelon.

Kaya sing dialami Guru SMPN 2 Pacitan ( Ng) tuku sepatu  lewat jalur online , bareng dibuka isine dudu sepatu tapi resak , potongan kardus.

Bukti tuku sepatu bu guru SMPN 2  (  Ng ) Pacitan sing isine muk kertas.

Guru BK sing wis 12 tahun ngajar ana salah sijining  SMP Favorit ning Pacitan iku girap girap ora karu karuan , merga kardus dibuka isine muk resak, iki pengalaman gaes , kapok aku tuku tuku online , ujar ibu NG mbresengut.

Toko online sing duwe dagangan sepatu.

Pengalaman keblelon blanja Online ora mung dialami guru SMP 2 , tapi uga dialami anggota DPRD Pacitan  , ( SD) tuku tas Cangklong  sing regane Rp 800.000 , tapi bareng kardus dibuka ternyata sepatu sing dikirim regane muk sekitar Rp.50.000.

Miturut Anggota komisi IV DPRD Pacitan, aku kesilap Foto sing ditawarke lewat HP, ternyata barange Palsu , jare tokoh sing uga mantan Pemborong lan wartawan iku.

Terkait akeh wong sing keblelon tuku online , Tokoh tokoh Pengusaha Pacitan sing tergabung ana KADIN menehi saran , bali menyang tuku ning toko maneh wae, nek sekirane ragu ragu , minimal nek tuku ning toko kan langsung iso ndelok barange , tur  kadang kadang iso  ditawar, jare Hariawan saka Kadin Pacitan.

Perlu dimangerteni, penipuan lewat blanja online , kadang ora saka tokone, tapi isa uga saka jasa pengirimane sing nakal ,barang ditukar utawa dimaling...(gustik)

Mangan Bebek Gustik, jelas Halal tur Enak..ora tipu tipu...

POLRES PACITAN AKHIRE KETIBAN DONG...? SOAL NARKOBA. !

POLRES PACITAN AKHIRE KETIBAN DONG...? SOAL NARKOBA. !

Pacitan Post    Agustus 27, 2022   

Jenis Sabu yang dijual polisi pindahan , rugikan nama baik Polres Pacitan.

Pacitan Ppos, 27.08.022.

Polres Pacitan sing selama iki identik adem ayem, pirang pirang dina iki dadi  berita  elek secara Nasional.

Gara garane , ora liya muk ulahe oknum ( AW) polisi pindahan saka luar kota sing kecekel dadi pengedar Narkoba .

Ora tanggung tanggung , barang bukti jenis sabu sing didol tersangka ( AW) jumlahe 571 Gram.

Apese maneh ..! Sak bubare tersangka AW  kecekel Polda Jatim , kabeh anggota Polres Pacitan diwajibke tes urine saka Polda Jatim .

Dasar wis nasibe ! 4 anggota Polres Pacitan sing rata rata isih enom Positif konsumsi Narkoba , KZ .ES.DF & RF.

Dugaan sementara bocah papat sing tes urine positif Narkoba ditakoni ,, barang haram'' iki maeng ale tuku menyang tersangka AW  sing saiki ditahan ana Polda Jatim Surabaya.

Bebek Gustik  nikmat lan Marem tur Halal.

Miturut Kapolres Pacitan AKBP Wildan Albert , anggota papat sing hasil tes urine Positif arep diwenehi sanksi arupa hukuman Fisik sebagai pembinaan lan sanksi disiplin liyane.

Ananging !  urung mari ale kaget  bab anggotane sing dadi pengedar Narkoba , ujug ujug Polres Pacitan  ,, kisinan maneh,,  merga klebon wong luar kota ( HP.SMW. ISM )  sing kecekel ngedarke barang haram , infone  ( BB)   jenis  ganja lan pil  koplo Seberat 17,5 gram diamankan Polisi.

Merga perkara Narkoba ana Pacitan saling berdekatan ditambah efek Kasus Ferdy Sambo , Pemberitaan Media seolah bombastis lan dadi geger ora karu karuan..

Terlepas Polres Pacitan  muk ,, Ketiban  dong ,, opo ora  / merga pelakune wong luar kota ,, FAKTA ,, menunjukkan yen Kabupaten Pacitan saiki iso diarani Rawan Narkoba ....! Iyo po ora...?( Gustik)

ALUN ALUN FASHION WEEK..LUWIH APIK TIMBANG NING DALAN...

ALUN ALUN FASHION WEEK..LUWIH APIK TIMBANG NING DALAN...

Pacitan Post    Agustus 23, 2022   

Pacitan Ppos, 23.08.022.

Demam Fashion Week  akhire teka Pacitan tenan , Diprakarsai KNPI Pacitan ,  lenggang lenggok cah enom enom wingi dienekne ana dalan ngarep Pendopo Agung Pacitan.

Masiho ora koyo Citayam Fashion Week, tapi acara sing dijenengke Pacitan Fashion Street lumayan menghibur , masiho  akeh sing ngarani  salah kaprah.

Peserta Fashion Street tampil menggemaskan, cuma kurang santai..

Diarani salah kaprah, rata rata peserta sing tampil  ana Pacitan Fashion Street  Model klambi sing dienggo peserta ijik model tampilan ning njero gedung , dudu model klambi  ning ndalan.

Citayam Fashion Week , rata rata pakaian sing dienggo peserta model pakaian ,, nyleneh ,, tapi tipe out door .

Pakaian bocah bocah sing tampil ana Pacitan Fashion Street sing akeh kabeh serba gilap , blas ora sesui jeneng fashion dalanan,.

Tapi yo maklum , Panitia urung mudeng , peserta urung mudeng , sing nonton pun mungkin yo rung mudeng .

Peserta Pacitan Fashion Street tampil bak fashion didalam Gedung.

Terlepas kelebihan lan kekurangan Panitia, acara Pacitan Fashion Street ,, Suk Eneh ,, nek iso ojo digelar ana dalan gede', opo Panitia kabeh do ra mudeng daerah liyo wis dilarang merga ganggu lalu lintas.

Sing dikawatirke , Fashion Steet  sing wingi digelar , nulari aksi aksi ana dalan liyane tanpa ijin alias liar koyo Citayam Fashion Week.

Jalan tengah alun alun Pacitan bisa sebagai alternatif kreasi  anak muda Pacitan Fashion Week.

Mungkin nek pancen arep neruske acara lenggang lenggok lenggok, Pacitan duwe Fasilitas Istimewa yo kui Dalan tengah alun alun Pacitan.

Dalane wis ampuh, view ne luar biasa, ora panas dilingkupi taman sing apik Lan iso digelar per minggu tanpa ngrugekne pengguna Dalan liyane.

Soal jeneng iso digawe paten ( tetap)  misale  ,, Pacitan Fashion Week ,,

( Berita ini sebagai kritikan dan masukan bagi penyelenggara fashion di Pacitan agar demam Fashion tidak digelar di jalanan yg cenderung menggangu pengguna lalu lintas lain, ditulis oleh tim redaksi Pacitan Post)

NIKMATI DAHSYATNYA BEBEK GUSTIK  RM TIRTO WENING MENTORO.

DALAN AHMAD YANI KUDU DIKOSONGKE' ORA OLEH PARKIR...Merga ..!

DALAN AHMAD YANI KUDU DIKOSONGKE' ORA OLEH PARKIR...Merga ..!

Pacitan Post    Agustus 23, 2022   

Mobil patroli polisi mubeng ngoprak oprak kendaraan sing parkir ana dalan Ahmat Yani pacitan.

Pacitan Ppos.23.08.022.

Wartawan Pacitan Post  kaget setengah mati , mobil Wartawan sing kebetulan parkir ana ngarep TMP merga  arep endang wong lara ana WK RSD   ,, ujug ujug ,, dioprak oprak kon ngalih nyang Polisi.

Ora mung mobil wartawan , kabeh kendaraan jenis opo wae kon ngalih ora entuk parkir ana dalan sepanjang Ahmat Yani Pacitan.

Lewat pengeras suara Mobil Patroli Polisi Polres Pacitan  wira wiri  - ngetan ngulon -  ngoprak oprak kabeh kendaraan termasuk pedagang sing manggon ana trotoar kudu ngalih.

Usut punya usut , ternyata larangan pakir ana sepanjang jalur Ahmat Yani muk berlaku dina iki , merga enek tim Penilai Kawasan Tertib Lalu Lintas  saka Polda Jatim.

Jare pak Polisi sing numpak mobil Patrol , ngomong yen larangan parkir sepanjang dalan Ahmat Yani berlaku muk dina iki ( 23/08) merga enek arep penilaian Kawasan Tertib Lalu lintas 

Pengumuman sing mendadak , ditambah pengeras suara sing ora pati cetho merga kegawa angin , ndadekne pedagang kaki lima  sing mangkal ngarep TMP mlayu tunggang langgang , mumpet ning mburi TMP.

Pedagang lagi sumringah maneh, bareng entuk penjelasan saka wartawan koran iki, tenang...tenang bu...larangan dodol namung sedino thok, sesuk wis entuk maneh, ....oooooalah...nganti ndredeg aku...( Gustik)

Ben jo gampang ndredeg merga kluwen, tambane muk tuku bebek tulang lunak Gustik RM TIRTOWENING MENTORO.

KURANG SAK NIL TEKA OMAH , FAHRI NABRAK UWIT..Nganti....!

KURANG SAK NIL TEKA OMAH , FAHRI NABRAK UWIT..Nganti....!

Pacitan Post    Agustus 22, 2022   

Jenazah Fahri terpental ana persawahan penduduk.

Pacitan Ppos, 22.08.022.

Wis mbuh jumlahe , wong mati kecelakaan tengah wengi merga ngantuk . Terakhir kecelakaan diduga ngantuk dialami  Fahri Setya Nurhafidz (22) saka dusun Craken Kulon Desa Sumberharjo Pacitan.

Tragis'e , TKP  Kecelakaan  Fahri meh cedak omahe /RT 01/01 Dusun Craken Etan Desa Sumberharjo Pacitan utawa kira kira  ( 1)  menit perjalanan sepeda motor.

RM TIRTO WENING MENTORO MENGUCAPKAN DURGAHAYU RI KE 77 SEMOGA INDONESIA SEMAKIN MAJU..

Miturut keterangan Polres Pacitan Aiptu Yani  Agus Siswanto MSi , korban Fahri numpak piet motor jenis Honda Scupy Nopol AE 2743 YL saka arah etan , nahas arep mlebu dusun omahe dewe ,  Fahri justru nabrak wit pinggir dalan , korban terpental nganti mlebu persawahan penduduk.

Dugaan sementara Korban Ngantuk, ilang kendali lan nabrak uwit pinggir dalan. Korban sing rada kasep ditulung merga tengah wengi , ditemukan penduduk lan digawa ning RSD Pacitan, sayang nyawane Fahri ora ketulung lan dinyatakan meninggal...

Gandeng Kecelakaan Tunggal tengah wengi sering terjadi, Polres Pacitan menghimbau kabeh wong tuwa, ngawasi anake ale dolan wengi wengi, nek iso maksimum jam 22.00 wib wis kon do mulih,jare Yani.

mendah cah nom kon mulih sore, paling dikandani kabeh mbrengkeleng..! Jare Bagus ketua KNPI Pacitan, guyon...( Gustik)

GIBRAN ,BOJO LAN ANAK DITEMPLOK'I CORONA MANEH ..Piye to Bran..Bran..!

GIBRAN ,BOJO LAN ANAK DITEMPLOK'I CORONA MANEH ..Piye to Bran..Bran..!

Pacitan Post    Agustus 20, 2022   

Putra Sulung Presiden Joko Widodo Gubran, di Istri,Anak dan pembantu kabeh terpapar Covid 19 hari ini.

Pacitan Ppos 21.08.022.

Putra mbarep Presiden jokowi , Gibran Rakabuming dina iki dipastikan terpapar Covid 19 meneh.

Ora mung Gibran ' , ternyata  bojo, anak lan pembantune uga terpapar Covid 19.

Kepastian Gibran sak keluarga kenek covid maneh diumumke secara langsung Wakil Walikota Solo Teguh Prakoso..

Bener  ! pak Wali , mbak Selvi , Jan Ethes uga pembantune dina iki dipastikan terpapar Covid 19 .jare Teguh Wakil Walikota Solo menyang media.

Geger Gibran sekekuarga kenek Covid 19 sing kaping 2  ndadekne rerasan warga masyarakat , utamane warga solo Jawa Tengah.

Miturut Slamet Warga jebres solo omong , yen  Walikota Solo iku ketok nek saben dinane kurang disiplin , wis ngerti pembantune awal sing kenek disik, tapi ora gek di antisipasi , isoman kek , opo piye anak Presiden kok ora ngeh , jare Slamet setengah wedi wedi arep omong.

Ananging wakil Walikota Solo Teguh Santoso membantah nek mas Gibran ora disiplin, Pembantune sing ora ngomong , dadi merga OTG , pembantu , kabeh sak omah do raweruh, tambah Walkot Solo Teguh S.

Jenenge wong akeh, komentar werna werna , opo meneh Wali Kota Solo sing uga anak Presiden iku terpapar Corona  wis bola bali , gek piye to Bran .Bran..

Putra mbarep Presiden Republik Indonesia Joko Widodo iki dina ditangani lan dipantau tim kesehatan Kota Solo, bahkan tim Kepresidenan pun uga memantau..maklum pengamanan Kepresidenan melekat,klebu keluarga ..( gustik)...