CAH NANGGUNGAN GUGUR DITEMBAK KKB ..BAHAYA ..THAS.. THES..TNI KALONG BOKO SIJI..

CAH NANGGUNGAN GUGUR DITEMBAK KKB ..BAHAYA ..THAS.. THES..TNI KALONG BOKO SIJI..

Pacitan Post    April 16, 2023   

Pacitan 15.04.023.

Pratu  Miftahul Arifin  (25) asal dusun Krajan Desa Nanggunan Pacitan dipastikan gugur ditembak KKB Papua.

Informasi sing ditampa Media , Pratu Miftahul Arifin gugur dalam rangka golek'i pilot Susi Air  sing disandra KKB rong sasi kepungkur.

.

Pratu  Miftahul Arifin Asli Desa Nanggungan gugur di tembak KKB di Nduga Papua Pegunungan.

Kronologi penyerangan , sekitar jam 16 .30 WIT Korban Pratu Miftahul Arifin piket ana Markas TNI Mugi Mam Nduga Papua . Ujug ujug Kekompok KKB teka ning Markas l TNI angsung mbrondong senjata membabi buta.

Akibate 6 prajurit gugur seketika , sedang kira kira  21 prajurit liyane urung ngerti nasibe , mbuh mati - mbuh urip.

Dandim 0801 Pacitan Let Kol Inf Roliyanto dan istri takziah ke Rumah Duka Alm Pratu Miftahul Arifin di Dusun Krajan Nanggungan Pacitan.

Nganti dina iki , Urung enek kepastian, kapan jenazah Miftahul isa dikubur ana desa Nanggungan, miturut Dandim Pacitan Let Kol Roliyanto, jenazah ijik dievakuasi saka markas , dadi urus iso dipastekne kapan tekane, jare Dandim.

Perlu dimangerteni Putra mbarep pasangan Agus Susanto -Parmini warga dusun Krajan Kidul Desa Nanggungan , gugur ninggalake bojo lan anak bayi .

Bojone kerja sebagai guru  SD ( status) Honorer.

Terkait informasi Alm Pratu Miftahul Arifin ditembak KKB nganti njungkel ning jurang sing jerone  15 meter dipastikan isih simpamg siur , sebab enek sing omong anggota  Yonif R 321/GT Kostrad  iku ditembak bareng  prajurit liyane ( sekitar ) wong 30 dlm posisi ana Markas.

Malah sing 21 prajurit, nganti seprene urung ngerti nasibe urip po mati.

Gugure anggota TNI asal Nanggungan, ndadekne prihatin warga lingkungan,  utamane lingkungan Tawang .

Rudi Hartoyo  , Anggota DPRD Pacitan, njaluk marang Korp TNI menjamin kesejahteraan Istri ( Wakhidia Nur Azizah ) lan anak almarhum sing isih bayi , syukur yen anake  suk yen wis gede iso mlebu TNI, tambah Rudi. ( Gustik)

Rudi Hartoyo njaluk marang TNI ,  njamin Kesejahteraan anak bojone alm Pratu Miftahul Arifin sing gugur dipateni KKB ana Nduga Papua Pegunungan.

OMAH KOST SHORT TIME NJAMUR ANA PACITAN PERJAM 20.000

OMAH KOST SHORT TIME NJAMUR ANA PACITAN PERJAM 20.000

Pacitan Post    April 14, 2023   

Pacitan Ppos 14.04.023.

Sejatine isu omah esek esek  mulai jamur ana Pacitan wis suwi , rata rata kamar kos dibandrol Rp.20.000 perjam.

Miturut pantauan media , pelanggan sewa omah kost esek esek , rata rata pegawai swasta , mulai saka loper , pedagang luar kota , pegawai dealer motor lan profesi liyo liyane.

Pasangan wedok'e , sing akeh randa kempling , pasangan selingkuh , siji loro pelajar lan mahasiswa.

Sementara desa sing jawara (paling okeh) omah kost lan hotel esek esek , Kelurahan Ploso , Kekurahan Baleharjo , Kelurahan Sidoharjo , Arjowinangun Tanjungsari lan Menadi konon uga ana..

Sing lucu  omah kost esek esek ana desa Menadi ,  Tim penelusur Media justru dituntun pelajar SMP , Niki le pak griyane sing dipun damel na..no..na..no...sayang wartawan urung iso mestekne bener opo ora info pelajar sing nuntun media.

Perlu dimangerteni , iki dina mucikari wong wedok nakal ( PSK) dicandak Polisi Polres Pacitan ,SW 25 mucikari Wedok lan WD 35 Mucikari lanang, pasangan mucikari sing isih enom iku  dicandak polisi ana Kelurahan Ploso.

Miturut Kapolres Pacitan AKBP Wildan, barang  Mucikari sing disitah polisi arupa Hp , duit lan barang bukti liyane, klebu motor sing dienggo antar jemput PSK.

Sing Paling memprihatinkan ,  ternyata omah kost esek esek disewa ( short time) ora mung wong dewasa, pelajar lan Mahasiswa yo klebu akeh sing nyewa omah kost esek esek.

Terkait hotel lan omah esek esek Pacitan song soyo suwe soyo akeh  ( bak jamur musim rendeng ) diduga akibat pengawasan Perangkat Desa sing lemah , bahkan enek indikasi akeh perangkat lan kepala desa sing disogok..

Terkait Kota Pacitan sing perilaku wargane mulai berubah ke arah budaya bebas , Ketua LSM Bhineka Bangsa Pacitan Mashudi  njaluk marang Bupati Pacitan , mewaspadai semakin banyaknya tempat prostisusi ana Pacitan, nek perlu disikat kabeh, utamane sing nyalahne peruntukan ijin....( Tim)

PNS : KLOMAT KLAMET NUNGGU THR ..OJO OJO KEDISIK'AN ,, BADHA,,

PNS : KLOMAT KLAMET NUNGGU THR ..OJO OJO KEDISIK'AN ,, BADHA,,

Pacitan Post    April 13, 2023   

Pacitan Ppos.14.04.023.

Pemerintah Pusat, kira kira  rong minggu kepungkur, wis menehi signal Tunjangan Hari Raya ( THR)  PNS sak Indonesia wis iso cair.

Ananging nganti seprene, THR sing wis didengang dengungke Pemerintah urung iso dicairke , kanthi alesan maneka warna.

Miturut Drs Daryono Kepala BPKAD Pacitan omong , THR dipastikan cair mas , cuma iki ijik onok kendala administrasi,  minimal kudu disandingke karo regulasi anyar , ben ojo kliru tegas Mantan Kadindik Pacitan .

Ananging   ditakoni kemungkinan cair bar lebaran , Daryono bingung lan ketok panik, yo muga muga oralah mas..minimal jumat sesuk insya Allah cair ,tambah Daryono.

Urung caire Tunjangan Hari Raya PNS ana Pacitan  , ora urung , dikritik sebagian anggota Dewan ,, misale Rudi Hartoyo ,, njaluk Bupati Pacitan Indrata Nur Bayu Aji chek langsung, opo sing dadi kendala kok Pacitan urung iso cair , mengingat daerah liya wis iso cair.

       Rudi Hartoyo anggota DPRD Pacitan.

Anggota Dewan saka Partai Hanura iki malah ngaku wedi ,  yen nganti dino cinthon THR PNS urung cair , ndah  ale' pating ,, klamet ,, wong wong kui , jare Rudi ambi guyon.

Perlu dimangerteni , saben saben momen lebaran , warga masyarakat antusias ngenekne kegiatan sing sifate pesta, terlepas pesta kui muk sak keluarga utawa sak kelompok.

Pesta lebaran pancen ora koyo pesta budaya liyo , Pesta Lebaran luwih iso diarani jamuan tamu ala tradisional, tujuane muk kanggo ngikat tali silaturahmi keluarga ...( Gustik)

  

WAHIDIN :KONSISTEN KAWAL ANGGARAN KESEHATAN MASYARAKAT.

WAHIDIN :KONSISTEN KAWAL ANGGARAN KESEHATAN MASYARAKAT.

Pacitan Post    April 13, 2023   

Pacitan.ppos.14.04.023.

Anggota DPRD Pacitan saka Fraksi Demokrat ,,Wahidin ,, konsisten terus kawal anggaran Kesehatan Masyarakat Pacitan.

Lewat anggaran sing wis direncanakan , anggota Wahidin gandeng Dinas Kesehatan Pacitan ngenekne kegiatan sosialisasi Skrening Penyakit Dini  Jenis Penyakit Menular lan ora menular.

Kegiatan dienekne  ana dusun Weru Desa Ploso Kecamatan Tegalombo Pacitan, ditekani kurang luwih wong 75 , mayoritas lansia.

Wahidin anggota DPRD Pacitan saka Fraksi Demokrat ana kegiatan Sosialisasi Skrening Penyakit Dini ana Dusun Weru Desa Ploso Kecamatan Tegalombo Pacitan 

Sosialisasi Skrening Penyakit Dini ,dikawal tenaga tenaga Medis Puskesmas Tegalombo dibantu Perangkat Desa Ploso.

Warga antri diperiksa , mulai saka chek gula darah , tensi , asam urat lan indikasi penyakit  liyo liyane.

Wahidin menyang media omong , kegiatan dilaksanaake kanggo membudidayakan masyarakat ben sregep / rutin chek kesehatan ,, minimal  kanggo antisipasi,, yen duwe potensi penyakit,  ben gek iso ditambani , jare Wahidin lugas .

Sementara Pejabat Dinas Kesehatan dr Ndaru Mustoko Aji omong , kegiatan Sosialisasi Skrening Penyakit Dini  rutin dilaksanakan, bekerjasama karo Anggota Dewan ,program antisipasi Penyakit Menular lan ora menular sukses dilaksanakan....( Gustik)

NEMBAK CELENG MATI KEJEGUR SUMUR.

NEMBAK CELENG MATI KEJEGUR SUMUR.

Pacitan Post    April 12, 2023   

Pacitan Ppos.12.04.024.

Prasusilo (40 ) asal dusun Ploso Desa Klepu Kecamatan Donorojo  ditemokne warga ,, glogap glagep ,,  ana njero sumur warga Desa Sendang Donorojo.

Miturut saksi Poniran , dino selasa ( 11/04) sekitar jam 19.30 wib / bar shalat taraweh , saksi Poniran,Widodo lan  korban Prasusilo budal berburu ana alas sekitar desa Sendang Kecamatan Donorojo Pacitan.

Kewan sing diburu , target utama Celeng ( babi hutan) , sing saben wengi  pada gembrudug ngrusak tanduran ana sekitar desa Sendang lan sekitare.

Kocapo!

Bareng  ketok thingil thingil kewan buronane ( celeng) Prasusilo age age ngokang bedil lan Door celenge kenek . Tapi diperkirakan , masiha  wis kebedil celenge ijik urip mloya mlayu mrono mrene.

Mungkin Prasusilo wedi celenge ndlusup ning endi endi , korban age age mlayu nututi obahe celeng , sayang   diduga ora apal medan,  Prasetyo kejegur Sumur sing jerone 5 meter.

Krungu koyo wong kejegur banyu , Poniran buru buru  uripke sentolope  lan ngarahke  menyang sumur sing ora pati adoh saka ale ngadeg poniran.

Bareng diendangi tenan, Prasusilo wis kadung glogap glagep ana njero sumur , merga saking panik'e Poniran beluk beluk Widodo  lan warga sekitar .

Sayang merga rada kesuwen ora gek entuk pitulungan , Prasusilo dinyatakan meninggal dunia.

Warga sing ora gelem ditulis jennge, pancen ngakoni rada kesuwen nulungi merga kondisine tengah wengi tur kondisine peteng ndedet.

Enek wong bengok bengok , warga kaget enek sing golek tali ,enek sing golek ondo, enek sing lapor perangkat, wis pokok ipun sami gugup, tapi alhamdulillah jenazah korban iso diangkat ana njero sumur sekitar jam 22.00 wib.

Korban diserahne pihak berwajib marang perangkat desa Sendang kanggo pengusutan lebih lanjut.

Nganti berita iki ditulis, info lanjutan terkait wong kecemplung sumur ijik urung dirilis saka Polsek Donorojo..

( Rangga/tim)

RIRIN : KAWAL SOSIALISASI SKRINING PENYAKIT DINI, PENYAKIT MENULAR -TIDAK MENULAR DAN LANSIA.

RIRIN : KAWAL SOSIALISASI SKRINING PENYAKIT DINI, PENYAKIT MENULAR -TIDAK MENULAR DAN LANSIA.

Pacitan Post    April 06, 2023   

Pacitan Ppos.05.04.023.

Njupuk panggon , ana pelataran Masjid Al Hidayah Kedawung Mentoro Pacitan , Ririn Subianti anggota DPRD Pacitan ,  ngawal ,  kegiatan Pelaksanaan Program Kesehatan Masyarakat .

Program sing njupuk judul ,, sosialisasi Skrining Penyakit dini jenis Penyakit Menular-Tidak Menular lan Lansia ,, ditangani langsung Dinas Kesehatan  Pacitan via tenaga tenaga medis Puskesmas Mentoro Pacitan.

Petugas Medis Puskesmas Pacitan memeriksa warga Masyarakat Mentoro.

Sosialisasi ,  di tekani masyarakat Mentoro sing jumlahe kira kira 75 uwong , khususe masyarakat sing wis usia lanjut / lansia.

Miturut Ririn , program Sosialisasi Skrining Penyakit dini ,  pancen  kegiatan anggota DPRD Pacitan sing pembiayaane dititipne Dinas Kesehatan ,,  sebagai ,,  mitra Medis sing nangani berbagai penyakit masyarakat.

Warga dusun kedawung antri pemeriksaan Medis.

RiRin Subianti,  anggota Dewan sing uga Asli Gebluk Mentoro iku pesen marang warga masyarakat Mentoro , sering seringlah cek kesehatan  (ben penyakit ) sing awale ijik ringan - ora keburu mbabrah utawa parah , jare Ririn ditemoni media ana Lokasi Kegiatan.

Sementara ,  Tina.S  Ketua Kelompok  Majelis Pengajian Ibu Ibu Masjid Al Hidayah Mentoro , apresiasi marang Pemerintah  sing  ngenekne program  Screning Penyakit Dini ,,  jare Tina ,, pancen kudu sering dienekne , ben masyarakat ati ati jaga kesehatan lan ngerti potensi penyakite'.

Ririn Subianti  , ora mung mikirke bab kesehatan warga , ananging  uga  masalah penting liyane , misale'  bab  kondisi Tanggul ana  dusun Duduhan sing incip incip rawan jebol.

dr Daru Mustaka Aji saka Dinas Kesehatan Pacitan , uga mengapresiasi langkah Dewan sing melu mikirke Program program kesehatan masyarakat , klebu Program sosialisasi Skrining Penyakit Dini sing iki dina dilaksanaake ana Mentoro, Dinas kesehatan Pacitan siap berkerja sama dengan siapapun, tegas Ndaru.

Acara bubar sekitar jam 12.00 ,  kejaba diperiksa Tensi , Gula darah , jantung , kolestrol lan asam urat , warga seneng atine merga mulih uga disangoni  berkat buka puasa  ( nasi kotak ) lan liyo liyane.

Kepala Puskesmas Pacitan drg Suprapti , rumangsa terharu , ndelok partisipasi masyarakat Mentoro sing antri kanti tertib periksa kesehatan , Kepala Puskesmas Pacitan , omong yen kegiatan sosialisasi Skrining Penyakit Dini wis ping papat, bu dokter uga njamin , yen ditemokne penyakit menular utawa memerlukan tindakan medis, Puskesmas Pacitan siap nangani /periksa lanjutan ..

Perlu dimangerteni , kinerja anggota Dewan , ora mung masalah bab Kesehatan thok, tapi uga gawa aspirasi warga masyarakat liyane, utamane sing dadi problem  warga Desa lan lingkungan liyane , misale kaya kekawatiran warga Dusun Duduhan,  sing tanggul kali Grindulu incip incip meh jebol ... ( Gustik)

Warga antri cek kesehataj  di Pelataran Masjid Al Hidayah dusun kedawung Desa Mentoro Pacitan 

..

LKPJ : PEMKAB SENENG MAIN AMAN. .

LKPJ : PEMKAB SENENG MAIN AMAN. .

Pacitan Post    April 03, 2023   

Sebagian anggota DPRD Pacitan santai nunggu paripurna LKPJ diwiwiti.

Pacitan Ppos.2023.

Paripurna Laporan Keterangan Pertanggung Jawaban Bupati Pacitan ,  sing digelar dina iki (03/04) ana gedung DPRD Pacitan,  secara umum ora enek kejutan opo opo alias biasa saja.

Miturut Wakil Ketua DPRD Pacitan Drs Eko Setyo Ranu , secara umum laporan komisi lan fraksi ora enek sing dadi pitakonan penting, kabeh lancar , jare Eko

ditemoni Media ana gedung Dewan

Cuma Pemkab Pacitan,  sok duwe kebiasaan elek ,  biasane  yen target wis terpenuhi, senengane bermain aman , ora berusaha ditingkatne maksimal.

     Ronny Wahyono Ketua DPRD Pacitan

Sementara Ronny Wahyono selaku Ketua DPRD Pacitan mengapresiasi rencana kerja sing disampekne Bupati Pacitan Indrata Nur Bayu Aji , kabeh keterangan sing disampekne Mas Aji selaku Bupati Pacitan  insya Allah ana harapan luwih maju timbang tahun 2022.

Ditakoni wartawan bab pencapaian PAD , Ronny omong , realisasi  PAD Pacitan tahun 2022 166 M , kui wis klebu pendapatan Rumah Sakit Darsono Pacitan 84 M.

Dadi Praktis ! , duit sing iso digunakne kanggo mbangun Pacitan saka PAD muk kari 82 M  , sedang sisane sing 84 M dibalekne menyang RSD kanggo  biaya operational , tegas Ronny.

Perlu dimangerteni , Identitas  Kota  diarani berdaya/ berhasil apa ora , iso  didelok soko Kekuatan PAD , semakin PAD ne saya duwur , berarti kota  kui semakin terberdaya, minimal ora selalu bergantung APBN.

Kabupaten Pacitan tahun 2021, income PAD  sempat ngalami kenaikan signitifkan 211 M  , cuma munggahe PAD merga ana suply Budget Covid 19 ) saka Kemenkes RI ,(gustik)