NING BONREDI MAYIT MEMBUSUK , CAH KLELEB URUNG KETEMU ..

NING BONREDI MAYIT MEMBUSUK , CAH KLELEB URUNG KETEMU ..

Pacitan Post    November 18, 2023   

Pacitan Ppos.18.11.023.

Dusun Kebonredi Desa Tanjungsari Pacitan, maeng awan sekitar jam sewelas ( 18/11) digegerke penemuan mayit ana njero kamar sing diperkirakke ninggal wis pirang pirang dina.

Mitirut saksi Wahyu Sri Hartatik lan Joko Purwanto , sing nota bene anak'e ,  pas mulih ngomah  mambu slemengit koyo gondo mayit , merga penasaran lan curiga saksi ndobrak pintu kamar , ternyata ibune sing jenenge Sri Agustin ( 57) ditemokne wis ninggal.

Informasi sementara , korban ale lara wis suwe , tragise korban ning omah muk karo sedulure sing uga lara struck , sementara anak'e sering lungo merga kerja srabutan.

Kanggo mastekne korban ora kenek opo opo, warga  RT 04/03 Dusun Kebonredi Desa Tanjungsari nglaporne kedadean ninggal ora konangan menyang Polsek Kota.

Sementara berita bocah kleleb ana Pancer Door nganti seprene urung enek perkembangan.

Info sementara , Sing kleleb rombongan wisata saka Jawa Tengah .

Awale sing keseret ombak ning pantai Pancer Door Pacitan wong telu , ananging sing loro iso nglangi minggir lan slamet.

Ananging sing siji nganti seprene isih urung ketemu , ijik digoleki tim SAR Pacitan lan warga masyarakat pesisir Pancer Door....( Gustik)

OJO LALI ENGKO BENGI NONTON TETHEK..GEDHEN..'

OJO LALI ENGKO BENGI NONTON TETHEK..GEDHEN..'

Pacitan Post    November 17, 2023   

Pacitan Ppos..18.11.023.

Engko bengi ojo lali , Pemerintah Kabupaten Pacitan bakal gelar acara rutin Fastival Tethek antar Kecamatan se Kabupaten Pacitan.

Acara bakal njupuk srart ana Jalan Jaksa Agung Suprapto utawa dhalan ngarep Pemdapa Kabupaten Pacitan.

Miturut Asdam Panitia Festival , acara bakal dibuka Bupati Pacitan Indrata Nur Bayu Aji sekitar bar isya'k ( 19.00 wib) srana ngundang kabeh pejabat Pacitan lan luar Pacitan.

Diperkirakne acara sing diikuti 12 Kecamatan Pacitan , bakal ditonton wong akeh utawane warga Pacitan.

Asdam uga omong , yen acara digelar rong dina berturut turut  , Sabu lan Minggu ( 18-19 Nopember 2023 ) diwiwiti tetep mulai saben bakda isya'k  / 19.00 wib.

Kadisbudpora Turmudi , dina iki kliling menyang rute rute lan panggung panggung sing bakal di nggo atraksi peserta rontek.

Mantan Pejabat LPSE iku omong , kabeh kudu siap ,merga Event tahunan Festival Rontek Pacitan wis kadung menasional , nek iso ojo nganti enek sing klendean, tutur Turmudi.

Media Pacitan Post klebu media sing ditunjuk liputan  Festival Rontek 2023.

Perlu dimangerteni ,  rite lan panggung panggung kehormatan pancet pada tahun tahun kepungkur Ngarep Kantor Bupati . Ngarep PLUT lan Ngarep Toko Enggal siji desa Tanjung sari Pacitan sing biasane dienggo atraksi , pantauan media ora enek panggung.

Wartawan entuk info ( khusus ) Kecamatan Pacitan diwakili Desa Tanjungsari , ora pati jelas alasan desa Tanjungsari ditunjuk makili Kecamatan Pacitan , mungkin ptestasi Desa Tanjungsari sing kulino juara .

Diperkirakne Festival Rontek Pacitan , bakal ditonton 30 ewu  uwong lan bakal gairahne UMKM Pacitan , insya Allah dagangan kulo tahu bakar laris manis, jare Eka guya guyu sumringah.

Terkait kelompok UMKM ,  sektor riil , sing sing bakal entuk dampak langsung anane Festival Rontek , Turmudi njaluk peningkatan mutu Menu Panganan lan pelayanan , menune ojo muk ngono ngono kui wae , pungkas Turmudi..( gustik)

Acara Pere Relise Media dan Panitia di Disparbudpora Pacitan.

MATI : CEBLOK SAKA LANTAI 3 RSD DARSONO PACITAN.

MATI : CEBLOK SAKA LANTAI 3 RSD DARSONO PACITAN.

Pacitan Post    November 16, 2023   

Pacitan Ppos 16.11.023.

Arsi ( 55) pekerja proyek RSD Darsono Pacitan  meninggal dunia merga ceblok saka lantai Gedung V RSD Darsono Pacitan.

Miturut saksi mata Muklas , korban sekitar jam 22.00 wib arep nata tangga wesi kanggo peralatan ngecat ana balkon lantai III , sayang ale naleni  sabuk pengaman awak kurang singset , tali mrucut korban sing asli probolinggo iku langsung ceblok menyang lantai dasar sing duwure kira kira 8 meter .

Korban sing ijik ambegan , buru buru ditulung pekerja liyane , digotong menyang IGD ,tapi sayang teka IGD wis lemes lan muntah getih , let rasuwe ninggal , jare Dwi Cahyo saksi sing pada pada saka Probolinggo.

Thomas saka Polsek Kota Pacitan dihubungi media, mbenerake yen enek kedadean kecelakaan kerja ana Proyek Rumah Sakit Daerah Darsono Pacitan tanggal 15/11 sekitar jam 22.00 wib.korban satu orang bernama Arsi meninggal dunia.

Perlu dimangerteni , Tahun 2023 RSD Darsono Pacitan oleh proyek neruske bangunan lanjutan , gedung 5 lan 6 simg tahun kepungkur urung rampung.

Khusus gedung 5 menurut informasi , tender dimenangke kontraktor luar kota , mulo ora heran kabeh pekerja dijupukne saka luar kota khususe saka daerah probolinggo...( Gustik)

RONTEK ANTAR DESA DIBUSAK...KADES MELU SENENG..

RONTEK ANTAR DESA DIBUSAK...KADES MELU SENENG..

Pacitan Post    November 16, 2023   

Pacitan Ppos 16.11.023.

Acara rutin Festival Rontek per desa  , sing biasa digelar per tahun ana Kabupaten Pacitan ,  akhire tahun 2023 dibusak / dihapus.

Sebagai gantine ,  acara sing ngundang  penonton ribuan iku digelar muk antar Kecamatan se Kabupaten Pacitan.

Miturut Kadis Disparbudpora Kabupaten Pacitan Turmudi  mengatakan , sesuai intruksi Bupati Pacitan bahwa seluruh acara yang melibatkan publik, jangan sampai membebani masyarakat, terutama masyarakat desa.

Ka Disparbudpora Pacitan Turmudi pimpin Jumpa Pers Festival Rontek.

Mantan Kepala LPSE Pacitan iku uga menehi alesan , terlalu berat yen Festival dibebanke desa maneh, mengingat beban anggaran berat , luwih saka 150 juta per desa ,mesakne kades jare Turmudi.

Sementara Kades kades Pacitan rumangsa seneng atine merga festival Rontek tahun 2023 dienekne per Kecamatan , waduh seneng banget mas dienekne per Kecamatan , minimal ora puyeng bab anggaran.

Agus  Pambudi ( Kades Kali Kuning ) melu ngrasakne sambate kades kades  Kecamatan Pacitan sing saben Festival Rontek ngentekne anggaran sak hohah , mesakne mas sambate ngaru oro...jare Kades Kali Kuning sing terkenal desane penghasil Duren.

Perlu dimangerteni , tujuan pokok Festival Rontek Pacitan sing dienekne per tahun , melu nyengkuyung pariwisata pacitan dadi obyek wisata sing lengkap , apik destinasine lan apik budayane.

Rencana Festival Rontek antar Kecamatan bakal digelar  mulai tanggal 18-19 Nopember 2023 mulai jam 19.00 wib, njupuk start ana ngarep pendopo agung Kabupaten Pacitan.

Sayang ..! saben saben festival Rontek digelar ana Pacitan , tuan rumah festival muk Disparbudpora, padahal efek sing jelas ketok , dinas Koperasi & UMKM wong dodol payu kabeh...( Gustik)

PJ KADES WATU KARUNG DITUDING PROMOSI CALEG .UNDANGAN .ETHOK ETHOK NERUSKE BALDES....?

PJ KADES WATU KARUNG DITUDING PROMOSI CALEG .UNDANGAN .ETHOK ETHOK NERUSKE BALDES....?

Pacitan Post    November 13, 2023   

Pacitan Ppos .14.11.023.

Lagi wae Presiden Jokowi lan Panglima TNI  menehi intruksi , marang ASN ,Polri lan TNI netral ana pemilu serentak  tahun 2024.

Ananging ana desa pojok kidul kulon Pacitan  ( Watukarung) enek PJ kades diprotes wargane , merga diduga mbleloni wargane soal undangan musyawarah.

Miturut warga Desa Watu Karung , ana undangan tertera ( unen unen) rapat soal kelanjutan pembangunan Baldes / Balai Desa Watukarung.

Acara rapat warga yang diduga dimanipulir promosi Caleg.

Tapi bareng teka Balai Desa , ternyata warga digiring menyang promosi caleg tertentu sing indikasine warga desa setempat.

Rumangsa dibleloni Aparat Desa , warga protes nganti gebrak gebrakan meja , lan nyulut emosi peserta rapat.

Suyono sing ngaku koordinator paguyuban warga watukarung , rumangsa dilecehne Perangkat desa ( kasun) sing muni kasar lan motong pembicaraan saat Suyono omong, munine kasar lan arogan kui lho mas sing ndadekne aku emosi , tegas Suyono.

Untung emosi warga cepet iso diredam , sak bubare perangkat desa nyadari kesalahane , kondisi audensi warga mulai kondusif.

Sementara Sumadi  ( PJ) Kades Watu Karung sing dituduh kampanye pileg tokoh tertentu ananging ,, ndelik ,, ana undangan kelanjutan pembangunan baldes , membantah pertemuan direkayasa, ora mas iki murni rapat soal kelanjutan mbangun Baldes, terang SumAdi marang awak media.

Perlu dimangerteni , Rapat tanggal ( 13/11) situasi  lapangan pancen ora pada narasi undangan , materi kakean ulas bab pileg dibanding bak kelanjutan proyek Balai Desa Watukarung.

 Bahkan aroma rapat sing diduga akal akalan , sempat di protes mengang caleg liyane sing uga budal sAka dapil 1.

Caleg sing ora gelem disebut ana media, curiga PJ Kades Watu Karung ora netral , cenderung manfaatke moment kanggo caleg tertentu ,  sing diduga diamini lan direstui Tokoh nomer siji Pacitan, aku ora suudhon tapi nada nadane pak Sumadi kethok banget , ungkap Caleg liyane ..(gustik)

Si CANTIK MELIDA ..! CALEG IDOLA NOM NOMAN PACITAN ...

Si CANTIK MELIDA ..! CALEG IDOLA NOM NOMAN PACITAN ...

Pacitan Post    November 13, 2023   

Pacitan Ppos.13.11.023.

Seumpama Melida Akta Suciningtyas , ditakdirke Gusti Allah ana Pemilu tahun 2024 , terpilih  dadi Dewan , mungkin Melida klebu Dewan Pacitan sing paling ayu dewe.

Ora muk sempurna fisik'e , ternyata tokoh sing budal saka dapil I ( Pacitan - Pringkuku ) nomor urut I iku duwe wawasan lumayan encer.

Putri Asli Bandar Pacitan iku ,, misale,, duwe gagasan ,  gawe centra produksi jamu Herbal sing bahan bakune mludak ana Pacitan .

Melida Akta Suciningtyas Caleg Nasdem nomor urut 1Dapil I Pacitan Pringkuku.

Miturut Melida , gagasan gawe sentra Produksi Jamu Herbal didasari saka hasil tanaman herbal sing mbludak ana desa desa pegunungan , kaya ta Nawangan,Bandar , Tulakan lan sak piturute.

Insya Allah seumpama aku kepilih dadi amggota Dewan , aku fokus memperjuangkan nasib petani  , empon empon , sing selama iki muk didol sebagai bahan baku obat pengusaha  luar kota, tapi ora mroduksi dewe ana Pacitan , tegas Melida., mantab.

 / 

Gagasan Melida  , nglindungi petani empon empon lan ngusahakne Pacitan dadi  pusat jamu  Herrbal ,  ternyata direspon Positif petani 

 empon empon  Pacitan.

Sementara Ferry Ardiansyah LSM Bhineka Bangsa Pacitan omong ,  Lagi enek calon Dewan sing duwe gagsan gawe sentra Produksi Jamu Herbal , padahal , dewan sing lawas wae,ora pernah mikir nasib petani  Rempah , apik iki gagasane mbak Melida , jare Ferry .

Bahkan Fery yakin , si Cantik Melida ,  yen ale obah lan sosialisasi program sentra Tanaman Herbal  ditingkatne , ora tertutup kemungkinan Melida bakal menang mudah, pertarungan semakin ketat, pokoknya...( Gustik)

Melida sempat silaturahim ana Kantor Redaksi Pacitan Post..

PANGKALAN ANGKATAN LAUT PACITAN DIRESMIKAN , PENCURI LOBSTER KETIR KETIR..

PANGKALAN ANGKATAN LAUT PACITAN DIRESMIKAN , PENCURI LOBSTER KETIR KETIR..

Pacitan Post    November 08, 2023   

Pacitan Ppos.08.11.023.

Panglima Komando Armada II Laksamana Muda TNI Yayan Sofian ST.M.Si,MTr Opsla maeng esuk Rabu (08/11) ngresmekne Pangkalan Angkatan Laut Pacitan ana Desa Kembang Kecamatan /Kabupaten Pacitan.

Laksamana Muda TNI Yayan Sofian, ora muk ngresmekne Pangkalan Angkatan Laut , Tapi uga ngukuhke Komandan Pangkalan Angkatan Laut Pacitan sing dijabat Mayor Laut ( P) Dainuri Syamsuddin ST.

Miturut Pers realise sing disebar menyang Media , Pangkalan Angkatan Laut Pacitan , daerah teritorial kerjane nyakup Kabupaten Pacitan ,  Trenggalek lan Kabupaten Tulungagung.

Pangkalan Angkatan Laut Pacitan Diresmikan.

Peresmian lan Pengukuhan Komandan Lanal Pacitan , kejaba ditekani Jendral Bintang Dua  , uga di Rawuhi Bupati Pacitan , Trenggalek , Tulung Agung utawa sing mewakili.

Laksamana Muda Yayan Sofian , bubar acara sempat nemui awak media, sing intine , njaluk kerja sama sing apik  antara Lanal Pacitan  karo , tokoh masyarakat , Eksekutif , Legeslatif lan Forkopimda , insya Allah Pacitan dan sekitarnya semakin aman lan harmonis , tegas Komandan bintang dua ini.

Pengukuhan Komandan Pangkalan Angkatan Laut Pacitan.

Perlu dimangerteni , Pangkalan Angkatan Laut Pacitan klebu pangkalan type D sing dipimpin komandan berpangkat ,, Mayor,,

Sedang pelaksanaan Tugas saben dinane, dibawah komando/ koordinasi Danlantamal V  saat iki dijabat Brigjen TNI Marinir Joni Sulistyawan SH.M.Han.

Gedung Megah sing panggone etan kali  Pancer Etan Desa Kembang , ketok gagah , yen lewat ngarepe pangkalan ,  Pintu Gerbang Pangkalan ketok serem tapi berwibawa .

Gedung Utama Angkatan Laut Pacitan terlihat megah dan berwibawa.

Informasi sing ditampa media , Prajurit sing wis ngantor ana Pangkalan Pacitan jumlahe berkisar 33 pasukan / separo saka alokasi Prajurit sing jumlahe kira kira sekitar 66 prajurit .

Apresiasi diresmekne Pangkalan Angkatan Laut Pacitan , disambut  antusias  tokoh lan warga Pacitan  , minimal maling maling iwak sing berkeliaran ana perairan Pacitan lan sekitare mikir dua kali...( Gustik)

Pintu Gerbang Pangkalan Angkatan Laut Pacitan.