Jembatan Cangkring Ngadirojo Krowak
Pacitan Post, 16.12.021.
Komisi IV DPRD Pacitan ora arep ndelok sebab musabab Krowak'e jembatan Cangkring , tapi njaluk Pemerintah Kabupaten pacitan gek ndang turun tangan ndandani jembatan sing ambles kui maeng.
Miturut Ketua Komisi IV DPRD Pacitan Pujo Setyo Hadi , Nek pancen identifikasine krowak'e jembatan kenek banjir, Pujo nyaranke gunakne anggaran BTT ( Bantuan Tidak Terduga ) sing dikelola Bupati .
Pujo uga menehi saran menyang Bupati , utamane terkait anggaran BTT sing biasane prosedure mbulet . Salah siji penerus Bumi Harum Wijaya iku nyaranke, pos anggaran BTT luwih becik sebagian dialokasikan langsung BPBD wae , ben rada menak nguruse.
Alesane jare Pujo , Anggaran BTT sing dikelola Bupati ( Pemkab ) biasane proses mudune kesuwen , mbulet , kakean pretingsing merga kakean sing nangani, padahal dana BTT dibutuhke cepet ben proyek gek iso diwiwiti ( ora keburu mbabrah ) Engko nek wis kadung mbabrah ale ambles mesakne masyarakat , jare Pujo serius.
Terkait dalan Rusak , ternyata ora mung Komisi IV sing nyoroti , Gimat anggota komisi II DPRD pun uga Protes , njaluk marang Bupati sering medun ning ndesa ndesa , selama iki PU Binamarga / Perkim Pacitan muk fokus dalan ning perkotaan wae .
Nek dalan perkotaan rusak ,, sitik wae,, kabeh podo heboh age age njaluk didandani . Tapi nek dalan desa ,, Ibarat koyo dalan celeng ,, ditokne wae , jare Gimat bersungut sungut.
Gimat nambahake , kawit cilik dalan jurusan Glinggangan - Pelem- Taman Asri ora pernah mambu aspal , pancen tahun 2020 dianggarke 1 M tapi merga Refokusing dipangkas 600 juta. Tapi saiki Corona kan wis minggat , mosok anggaran dalan kampungku yo arep melu minggat...jare Kader Demokrat ambek guya guyu ( Gustik)
